"Meadows Home" 去霉劑 Mould Killer (500ml)

小妹LaLa近期發現房間天花板有霉菌,網上見有百幾蚊一支,又有三、四十一支,唔知點簡,而且比較多去霉產品只適合浴室瓷磚,油漆牆面唔知得唔得,所以未能下手落單,點之有日係Wellcome超市見到呢支,唔知係唔係新產品,佢寫明Household家用,唔係Bathroom, 當然即攞黎望下,吓! $16有冇睇錯,好掋用,唔諗甘多即買返去試. 因為抹天花,所以要係乾布上近距離噴上去霉劑,再用伸縮拖把清潔,第一次抹上後感到有少少漂白水味,唔係包裝上話嘅田園清香,但都可以接受,早上用,開窗至晚上睡前,味都差唔多冇,如果下午用,可能要等到第二朝,味先散去,不過第二次用,漂白水味冇甘強,可能用量比上次小,事關第一次心急,想快啲抹走啲深色霉印,第三次用量再少啲,味更快散去. 淺色霉印用一次大慨抹走八、九成,深色霉印就只有三、四成,隔數天抹第二次,深色霉印抹走五、六成,第三次有六、七成,第四次有七、八成,抹多一次應該差唔多消失. 小提示 : 大家用前要睇清楚說明,用手套口罩保護自己,仲要打開所有窗. #清潔用品 #清潔 #清潔用品 (此文章由U Blog 同步發佈至社群)